எஸ்பிஐ வங்கியில் கிளார்க் தேர்வுக்கு முந்தைய பயிற்சி அட்மிட் கார்டு பதிவிறக்கம் செய்வது எப்படி

எஸ்பிஐ வங்கியில் எழுத்தர் (ஜூனியர் அசோசியேட்ஸ் – வாடிக்கையாளர் ஆதரவு மற்றும் விற்பனை) பணிக்கான ஆட்களை தேர்வு செய்வதற்கு தேர்வுக்கான முன் தேர்வு பயிற்சி அட்டையை எஸ்பிஐ வங்கி வெளியிட்டுள்ளது. இந்த தேர்வு மொத்தம் 8000 பணியிடங்களுக்கானது ஆகும்.

மாநிலம் வாரியாக பணியிடங்களை எஸ்பிஐ வங்கி அறிவித்து இருந்தது குறிப்பிடத்தக்கது.

இந்த முன் தேர்வு பயிற்சிக்கான அட்மிட் கார்டு எஸ்சி, எஸ்டி, எக்ஸ்எஸ் மற்றும் சிறுபான்மை ஒதுக்கீட்டில் விண்ணப்பித்தவர்களுக்கு மட்டும் வெளியாகி உள்ளது.

எனவே இந்த ஒதுக்கீட்டில் விண்ணப்பித்தவர்கள் மட்டும் எஸ்பிஐ வங்கியின் இணையதளத்தில் அட்மிட் கார்டை பதிவிறக்கம் செய்து கொள்ளலாம்.

அட்மிட் கார்டை பதிவிறக்கம் செய்ய பிப்ரவரி 15 கடைசி தேதி ஆகும்.

அட்மிட் கார்டை பதிவிறக்கம் செய்யும் முறை

அட்மிட் கார்டை பதிவிறக்கம் செய்ய எஸ்பிஐயின் அதிகாரப்பூர்வ இணையதளத்தில் career இணைப்பைக் கிளிக் செய்து அதில் அறிவிப்புகளில் எழுத்தர் (ஜூனியர் அசோசியேட்ஸ் – வாடிக்கையாளர் ஆதரவு மற்றும் விற்பனை) அட்மிட் கார்டு பதிவிறக்கம் செய்யும் இணைப்பைக் கிளிக் செய்ய வேண்டும்.

பதிவிறக்கம் செய்யும் பக்கத்தில் விண்ணப்பதாரரின் பதிவு எண், கடவுச்சொல், பிறந்த தேதி மற்றும் கேப்ட்சா குறியீடு ஆகியவற்றை உள்ளீடு செய்து அட்மிட் கார்டை பதிவிறக்கம் செய்து கொள்ளலாம்.